رنویر سنگھ روہت شیٹھی کی ایکشن فلم میں جلوہ گر ہوں گے

فلم ’’گول مال اگین‘‘ میں اجے دیوگن مرکزی کردار ادا کر رہے ہیں‘ ارشد وارثی، تشار کپور، تبو، پرینتی چوپڑا بھی شامل ہیں
ممبئی ۔ بالی ووڈ اداکار رنویر سنگھ معروف ہدایت کار روہت شیٹھی کی ایکشن سے بھرپور فلم میں جلو گر ہوں گے۔بھارت کے معروف اور کامیاب ہدایت کار روہت شیٹھی بالی ووڈ میں اپنے ایکشن سین اور خاص کر گاڑیاں تباہ کرنے کے حوالے سے کافی شہرت رکھتے ہیں، یہی وجہ ہے کہ وہ کامیڈی فلموں میں بھی گاڑیاں اڑانے سے باز نہیں آتے تاہم وہ انڈسٹری کو ’دل والے‘ ’سنگھم‘، ’گول مال سیریز‘، ’چنئی ایکسپریس‘ اور ’بول بچن‘ جیسی کامیاب فلمیں دے چکیں ہیں۔

دلیپ کمار صحتیاب ‘ہسپتال سے گھر منتقل

بھارتی میڈیا رپورٹس کے مطابق ایک انٹریو میں روہت شیٹھی نے اس بات کی تصدیق کرتے ہوئے کہا کہ وہ جلد رنویر سنگھ کے ساتھ فلم کرنے والے ہیں؛ لیکن فی الحال رنویر فلم ’پدومتی‘ اور روہت ’گول مال اگین‘ کی شوٹنگ میں مصروف ہیں اور دونوں کی شوٹنگ ختم ہوتے ہی روہت اپنی نئی ایکشن فلم کی شوٹنگ کا آغاز کریں گے۔اپنی نئی فلم ’گول مال اگین‘ کی باکس آفس پر عامر خان کی فلم سیکرٹ سپر اسٹار سے تصادم کے حوالے سے روہت شیٹھی کا کہنا تھا کہ میں نے فلم کا ٹریلیر دیکھا جو مجھے بے حد پسند آیا لیکن اچھی بات یہ کہ دونوں فلمیں ایک دوسرے سے مختلف ہیں تو اس لیے کوئی خاص فرق نہیں پڑے گا اور ویسے بھی ایک سال میں 52 جمعے ہوتے ہیں تو ہر ہفتے کسی نہ فلم کا تصادم ہوتا ہی ہے۔واضح رہے ہدایت کار روہت شیٹھی کی نئی فلم ’گول مال اگین‘ میں اجے دیوگن مرکزی کردار ادا کر رہے ہیں جب کہ دیگر کاسٹ میں ارشد وارثی، تشار کپور، تبو، پرینتی چوپڑا، کونال، شریس تلپڑے اور پریش راول شامل ہیں اور فلم دیوالی پر سینما گھروں کی زینت بنے گی۔

اپنا تبصرہ بھیجیں