دہشتگردوں کو کیفر کردار تک پہنچا کر دم لیں گے:وزیراعلی بلوچستان

وزیراعلیٰ بلوچستان ثنا اللہ زہری کا کہنا ہے کہ ہم دہشت گردی کے خلاف ہاتھ پر ہاتھ رکھ کر نہیں بیٹھے جب کہ ہم نے ماضی میں دہشت گردوں کو کیفر کردار تک پہنچایا ہے ۔
کوئٹہ میں میڈیا سے گفتگو میں وزیراعلیٰ بلوچستان ثنااللہ زہری کا کہنا تھا کہ آج بلوچستان کے حالات مختلف ہیں اور امن و امان کی صورتحال بھی بہتر ہے ، ریاست نے دہشت گردی کے واقعات پر کافی حد تک قابو پا لیا ہے تاہم ایک وقت تھا جب پاکستان میں ہر روز 6 سے 7 دہشت گردی کے واقعات ہوتے تھے ۔انہوں نے کہا کہ ہم ایک وار زون میں رہ رہے ہیں، جہاں کوئی جانے کو سوچ نہیں سکتا تھا وہاں فورسز نے آپریشن کیے ، ہم دہشت گردی کے خلاف ہاتھ پر ہاتھ رکھ کر نہیں بیٹھے جب کہ ہم نے ماضی میں دہشت گردوں کو کیفر کردار تک پہنچایا ہے ۔

مزید پڑھیں :آرمی چیف دھماکے کے زخمیوں کی عیادت کرنے کوئٹہ پہنچ گئے

وزیراعلیٰ بلوچستان نے کہا کہ ایسی بہت سی باتیں ہیں جن کو کیمروں کے سامنے شیئر نہیں کر سکتے جب کہ جیسے ہی دھماکے کی خبر ملی نواز شریف نے فوراً کوئٹہ پہنچنے کی ہدایت کی۔

latest international urdu news:read more

اپنا تبصرہ بھیجیں