بی جے پی 22سال سےحکمراں،غربت جوں کی توں ہے:راہول گاندھی

لگتا ہے مودی 2030 میں چاند زمین پر ہی لے آئیں گے یا وہاں جانے کے لیے راکٹ دیں گے،طنزیہ ٹوئیٹ
نئی دہلی:کانگریس پارٹی کے نائب صدر راہول گاندھی نے کہاہے کہ مودی جی آپ کی جماعت گذشتہ 22 سالوں سے حکومت میں ہے اور اب بھی کہتے ہیں 2022 تک گجرات سے غربت کا خاتمہ کر دیا جائے گا،بھارتی ٹی وی کے مطابق کانگریس پارٹی کے نائب صدر راہول گاندھی آج کل انڈیا کے وزیر اعظم نریندر مودی کے بارے میں مسلسل بات کر رہے ہیں۔راہول گاندھی اس حوالے سے عوامی جلسوں اور سوشل میڈیا کا سہارا بھی لے رہے ہیں۔ایسا ہی کچھ انھوں نے گزشتہ روز بھی کیا اور وزیراعظم نریندر مودی کے بارے میں دو ٹویٹس کر ڈالیں۔اپنی ٹویٹ میں راہول گاندھی کا کہنا تھا کہ مودی جی آپ کی جماعت گذشتہ 22 سالوں سے حکومت میں ہے اور اب بھی آپ کا کہنا تھا کہ 2022 تک گجرات سے غربت کا خاتمہ کر دیا جائے گا۔

مزید پڑھیں :پیرس، لیبرقانون میں اصلاحات کے خلاف پرتشدد مظاہرے

انھوں نے مزید لکھا کہ میں آپ کو نریندر مودی کی اگلی بات بتاتا ہوں، 2025 تک مودی جی گجرات کے ہر فرد کو چاند پر جانے کے لیے راکٹ دیں گے۔اس کے بعد راہول گاندھی نے ایک اور ٹویٹ کی جس میں ان کا کہنا تھا کہ ’2028 میں مودی جی گجرات کے ہر شخص کو چاند پر ایک مکان دیں گے اور پھر 2030 میں مودی جی چاند ہی کو زمین پر لے آئیں گے۔راہول گاندھی نے ایک عوامی اجلاس میں بھارتیہ جنتا پارٹی کے سینیئر رہنما اور وزیر اعظم نریندر مودی کے نزدیکی ساتھی امِت شاہ کے بیٹے جے امِت شاہ کے حوالے سے نریندر مودی پر تنقید کی اور کہا کہ جے امت کی کمپنی کا کاروبار 2014 میں پچاس ہزار روپے کا تھا جو اگلے ہی سال 80 کروڑ روپے تک پہنچ گیا۔

Summary
Review Date
Reviewed Item
بی جے پی 22سال سےحکمراں،غربت جوں کی توں ہے:راہول گاندھی
Author Rating
51star1star1star1star1star

اپنا تبصرہ بھیجیں