شریف فیملی کےخلاف ریفرنسزکی سماعت بغیرکارروائی کےملتوی

نیب ریفرنسز کی سماعت کے دوران احتساب عدالت میں ہنگامہ آرائی کے باعث نواز شریف، مریم نواز اور کیپٹن (ر) صفدر پر فرد جرم عائد نہیں کی جا سکی اور سماعت 19 اکتوبر تک ملتوی کردی گئی۔
مسلم لیگ (ن) کی رہنما مریم نواز اور ان کے شوہر کیپٹن (ر) صفدر احتساب عدالت میں پیش ہوئے جب کہ سابق وزیراعظم نواز شریف کی جانب سے نمائندے ظافر خان پیش ہوئے ۔ احتساب عدالت کے جج نے سماعت 19 اکتوبر جمعرات تک ملتوی کردی ہے ۔ مسلم لیگ (ن) کی رہنما مریم نواز اور ان کے شوہر کیپٹن (ر) صفدر اسلام آباد کی احتساب عدالت میں پیش ہوگئے ۔ ان کے ہمراہ آصف کرمانی، دانیال عزیز اور عابد شیر علی سمیت (ن) لیگ کے متعدد رہنما بھی موجود تھے ۔ اس موقع پر مسلم لیگ (ن) کے کارکنوں اور وکلا نے بھی عدالت میں داخل ہونے کی کوشش کی تو انہیں روک دیا گیا جس پر وہ مشتعل ہوگئے اور ان کی پولیس سے جھڑپیں ہوئیں جس کے نتیجے میں متعدد افراد زخمی ہوگئے ۔

مزید پڑھیں :وکلا پرتشدد کرنےوالے پولیس اہلکاروں کےخلاف کارروائی کا حکم

نیب ریفرنسز میں نوازشریف، مریم صفدراور کیپٹن صفدر کے خلاف کیس کی سماعت شروع ہوئی، تاہم ن لیگ کے وکلاء نے کمرہ عدالت میں احتجاج، شور شرابا اور شدید نعرہ بازی کی جس پر احتساب عدالت کے جج سماعت چھوڑ کر اندر چلے گئے ۔ہلڑ بازی کی وجہ سے آج ملزمان پر فرد جرم عائد نہیں کی جاسکی اور سماعت ملتوی کردی گئی۔ وکلاء نے پولیس پر شدید تشدد کا الزام لگایا۔سماعت ملتوی ہونے کے بعد عدالت سے باہر نکلتے ہوئے مریم نواز نے کہا کہ وکلا کو اندر نہیں آنے دیا گیا، میں نے سنا ہے کہ اُن کے ساتھ زیادتی ہوئی ہے ، جب اُن کے پاس اجازت ہے تو انھیں اندر آنے دینا چاہیے تھا۔ میں وزیر داخلہ سے درخواست کروں گی کہ وہ اس واقعے کا نوٹس لیں۔پیشی کے موقع پر احتساب عدالت کے گرد سیکورٹی کے انتہائی سخت انتظامات کیے گئے جب کہ پولیس، اسپیشل برانچ، ٹریفک پولیس اور ایف سی کے 1100 جوان تعینات کیے گئے ۔ احتساب عدالت کو جانیوالی دونوں سروس روڈ عام ٹریفک کیلئے بند رہیں۔

Summary
Review Date
Reviewed Item
شریف فیملی کےخلاف ریفرنسزکی سماعت بغیرکارروائی کےملتوی
Author Rating
51star1star1star1star1star

اپنا تبصرہ بھیجیں