ہرشکست کےبعد میں نےمزید طاقت کیساتھ قدم جمائے:عمران خان

اسلام آباد: پاکستان تحریک انصاف (پی ٹی آئی) کیچیئر مین عمران خان نے کہا ہے کہ ہر شکست کے بعد میں نے مزید طاقت کیساتھ قدم جمائے ۔
لودھراں این اے 154 کے ضمنی الیکشن میں شکست کے بعد کپتان نے کارکنان کے نام پیغام میں کہا کہ این اے 154 کے نتائج سے افسردہ ہونے والے کارکنان کو پیغام دینا چاہتا ہوں، آپ کو پہنچنے والا ہر دھچکا نقائص کے تجزیے اور ان کی درستگی کا موقع فراہم کرتا ہے ، آپ کو پہنچنے والا صدمہ ایک نئے عزم، ولولے اور مزید قوت سے دوبارہ اٹھ کھڑے ہونے کے اسباب مہیا کرتا ہے ۔

مزید پڑھیں :عاصمہ جہانگیر 66 سال کی عمر میں انتقال کرگئیں

عمران خان نے کہا کہ کامیاب قومیں، لوگ اور ادارے اپنی غلطیوں کو کامرانی کا زینہ بناتے ہیں، ہمت ہار جانے والے کبھی اپنی صحیح صلاحیتوں سے استفادہ نہیں کرپاتے ۔پی ٹی آئی چیئر مین نے کہا کہ دہائیوں پر محیط اپنی جدوجہد کے دوران میں نے کبھی دل شکستگی کو پاس نہیں پھٹکنے دیا، ہر صدمے اور شکست کے بعد میں نے مزید قوت کیساتھ میدان میں قدم جمائے ، 2018 کا انتخاب انشائاللہ ہمارا ہے ۔

Summary
Review Date
Reviewed Item
ہرشکست کےبعد میں نےمزید طاقت کیساتھ قدم جمائے:عمران خان
Author Rating
51star1star1star1star1star

اپنا تبصرہ بھیجیں